HOLONG NI DAMANG, HOLONG NI DAINANG
Holong ni damang
Untimbo sian dolok
Holong ni dainang
Umbagas sian laut
Sabur mudar ni dainang
Laho pasoranghon ahu
Marniang sibuk daging ni damang
Mangalului naringkot di ahu
Ia sala ahu
Dipodai
Manganju dihahuranganhu
Diajari
Asa marbisuk
Mauliate amang
Mauliate inang
Marbisuk marhamaloan ahu
Alani balga ni holong muna
Tuhanima namandongani hamu
Oleh : Efraim Gultoem
